Шостага снежня ў 16:00 у музычным каледжы імя Агінскага ў Маладзечне адкрыюць выставу "Вілія і яе берагі"". Адрас – Вялікі Гасцінец, 52. Аўтар фотаздымкаў – вілейскі фотамастак Міхаіл Кулеш. Яго творы ўжо выстаўляліся ў Мінску і роднай Вілейцы. 

Міхаіл Кулеш – сябра Беларускага грамадскага аб`яднання фатографаў. Яго здымкі можна пабачыць на розных інтернэт-парталах і ў каталогах. Шмат фотаздымкаў сабраныя ў наборы паштовак “Спадчына Вілейшчыны” і іншых выданнях, прысвечаных Вілейскаму рэгіёну.

У 2012 годзе Міхась Кулеш скончыў курсы па мастацкай фатаграфіі пры Беларускім саюзе дызайнераў. Навучаўся на журналісцкіх курсах у Польшчы, Украіне і Беларусі, прымаў удзел у конкурсах па фотажурналістыцы. Па выніках аднаго з іх быў узнагароджаны бясплатным навучаннем на працягу 2014-2015 гадоў у Міжнароднай школе ў рамках праекта “Увага, усмешку!”.

Фотавыстава будзе працаваць на працягу снежня.

"Рэгіянальная газета"