У пятніцу, 14 красавіка, на тэрыторыі музея-сядзібы М.К. Агінскага была праведзена акцыя па дабраўпарадкаванню сядзібнай тэрыторыі. І хаця на працягу ўсёй мінулай восені старанна падграбаліся апалыя лісты, вясновай парой усё роўна знайшлося, што падгрэбці і што падабраць і на газонах, і ў парку.  

На гэты раз дапамаглі ў працы вучні Залескай школы. Далучыўшыся да работнікаў музея-сядзібы, яны ачышчалі парк непадалёк ад млына і каля грэчаскай альтанкі. Дарослыя ж выбралі сабе тэрыторыю вакол памятнага каменя, прысвечанага Тадэвушу Касцюшку. Надвор’е нам спрыяла. Гэтая акцыя была прымеркавана да Міжнароднага Дня помнікаў і гістарычных мясцін.

Музей-сядзіба М. К. Агінскага