Фотавыстава Віталя Раковіча ў Залессі
Адкрыцце фотавыставы адбылося 1 мая ў музычным салоне музея-сядзібы М.К.Агінскага ў Залессі. Мерапрыемства пачалося з выступлення дырэктара музея-сядзібы Л. Ул. Градзіцкай, якая прадставіла Віталя Раковіча. Далей выступаў сам Віталь. На адкрыцці прысутнічалі госці з Мінска, Маладзечна, Смаргоні і Расіі.
Прысутныя задавалі шмат пытанняў Віталю наконт яго творчасці, далейшых планаў. Асабліва часта гучала пытанне: "Чаму менавіта Залессе?" Віталь адказаў, што пабываў у розных кутках Беларусі, Літвы і Польшчы, але менавіта Залессе сваёй прыгажосцю і цікавай гісторыяй натхніла на стварэнне цыкла фотаздымкаў, прысвечаных розным порам года.
Першы цыкл носіць назву "Зімовы паланэз", але ў планах мастака стварэнне яшчэ трох цыклаў.