Свята вёскі Міхневічы

25.08.2017 23:30Views:
У  нядзелю, 20  жніўня,  адбылося  свята  вёскі  Міхневічы. Са  словамі  прывітання  да  жыхароў  вёскі  звярнуўся старшыня сельвыканкама  Зянон   Зянонавіч Грышкевіч . 

Работнікі  Залескага   ДК  падрыхтавалі  рознажанравую   вяселую  праграму ”Люблю   цябе, родная  вёска!”   Распачаў  свята   танцавальны  гурток  “Фламінга”   з  харэаграфічным   нумарам  “Скарбы  даўніны”.

Прагучалі  песні  ў  выкананні  вакальнага  гурта  “Заляснянка”, парадавалі  сольнымі  нумарамі    мясцовыя  зоркі:   Сырай  Дзмітрый, Мураўская  Лілія,  Карпец  Васіль, Зенько  Вера. Лялечны  тэатр  паказаў   камічныя  сцэны  з  “Вясковай  пацехі”.  Быў  праведзены  майстар-клас   па  побытавым  танцам    з  удзелам  жыхароў  вёскі.

Кульмінацыяй  свята  стала  ўшанаванне самага  старэйшага  жыхара  вёскі - Рубана  Яўгена  Іванавіча,  якому  падчас  свята  споўнілася  90  год ,  самай  малодшай  жыхаркі  вёскі - Плотнікавай  Іванны Міхайлаўны і старасты  вёскі - Смяльцовай  Марыны  Федараўны.

Таксама  падарункі  з  рук   старшыні  атрымалі   тыя,  чыя  хаты  атрымалі  ганаровы  статут  “Дом  узорнага  парадку”. Каб   дапоўніць  звесткі  пра  лепшых з   лепшых,  была  ўсталявана  інтэрактыўная  дошка жыхароў  вёскі  Міхневічы, куды  ўсе  жадаючыя  упісвалі  прозвішчы  жыхароў   ў   розных  намінацыях .

Так  самым  аўтарытэтным быў  выбраны   Козел  Аляксандр Пятровіч,  самым  гаспадарлівым і  вясёлым - Скаскевіч  Мікалай  Восіпавіч,  самай  разумнай - Казлоўская   Тамара  Георгіеўна,  самым  багатым - Кавака  Аляксей Іванавіч      і   самым  таленавітым - Рубан  Вячаслаў Яўгенавіч.

На  думку  работнікаў   культуры  і  старшыні   сельвыканкама   жыхары  Міхневіч   перамаглі  у  намінацыі  “Самыя   гасцінныя  і  дабразычлівыя”.   

Таксама   на  свяце  праводзіўся  конкурс  на   самую  вялікую  радню,  праводзілася выстава-продаж  “Сямейная   смаката”, працавалі   выязны  гандаль  і   дзіцячыя  атракцыёны.      

Тэкст Таццяны Нісцюрынай
Фота Таццяны Нісцюрынай і Алы Козел (Івановай) - жыхаркі вёскі Міхневічы:)

Каментаваць


*