Прэм’ера оперы пра Агінскага сабрала аншлаг

14.12.2013 23:42Views:

opera_aginski12 снежня ў Палацы культуры жыхары і госці Маладзечна ўпершыню ўбачылі оперу “Міхал Клеафас Агінскі. Невядомы партрэт“.

Ідэя стварэння оперы належыць кіраўніку сімфанічнага аркестра, Рыгору Сароке. Кампазітар – Алег Залётнеў. 

Прыемна адзначыць, што жыхары горада былі зацікаўлены такой з’явай. Гэтаму сведчыла поўная зала людзей, якія заінтрыгавана пазіралі на сцэну, яшчэ зачыненаю дэкарацыяй.

Спачатку сцэну закрывала дэкарацыя.

opera_aginski_2

І было на што паглядзець - карціна мінулага ахінала ўсіх незвычайным пачуццём – вось там, на адлегласці рукі – іншае жыццё. А потым усё закруцілася, як у віхуры – баль, танцы, галоўныя героі, іх жыццёвыя перапетыі. Усе падзеі як на адным подыху.

Крыху скрадвала ўражанне не заўсёды чутныя словы. Але хор гучаў вельмі якасна і эмацыянальна. Таксама варта адзначыць высокую прафесійнасць Наталлі Шыбко, Андрэя Саўчанкі і яшчэ вельмі маладога, але ўжо знаёмага слухачам Андрэя Мацюшонка.

Немала папрацавалі і афарміцелі - касцюмы герояў і дэкарацыі былі надзвычай прыгожымі. Здаецца , многія з падзякай адгукнуцца на прэм’еру. А як жа інакш? Колькі плюсаў – ідэя любві да Радзімы, гістарычны сюжэт і ўсё гэта – на беларускай, нашай роднай мове. Прыемна для старэйшага насельніцтва , павучальна для моладзі.

Так трымаць! Новых Вам ідэй і поспеху ў іх увасаблення ў жыццё.

Юлія АБРАМОВІЧ, школа журналістыкі пры "РГ"

Фота Юліі АБРАМОВІЧ

Відэа да публікацыі - з сайта "Край.by"

Каментаваць


*