У Смаргонскім музеі можна пабачыць сапраўдную мэблю 19 стагоддзя

30.10.2013 23:09Views:
Міхал Клеафас Агінскі

Міхал Клеафас Агінскі

У Смаргонскім гісторыка-краязнаўчым музеі ад 24 кастрычніка на другім паверсе працуе выстава “Міхал Клеафас Агінскі ў Залессі”. У музеі можна пазнаёміцца з гісторыяй сям’і Агінскіх, самога Міхала Клеафаса, гісторыяй сядзібы і парку. Карціны, фотаздымкі і іншыя экспанаты перадаў смаргонскаму музею старшыня Нацыянальнай камісіі па справах ЮНЕСКА Уладзімір Шчасны. Ён нарадзіўся ў Смаргоні, таму даўно дапамагае музею і перадае бясплатна каштоўныя экспанаты. 

На выставе таксама прадстаўленая сапраўдная мэбля 19 стагоддзя: чатыры крэслы, два фатэлі, пазалочаны падсвечнік і пасярэбраныя кандэлябры.

Мэбля прывезеная з Францыі і перададзеная смаргонскаму музею праз Брэсцкую таможню.

Цяпер яе можна пабачыць у такім выглядзе, у якім яна захавалася. Пасля мэблю адрэстаўруюць і перададуць музею, які пачне працаваць ў сядзібе Агінскіх недзе ў 2015 годзе.

Пра гэта расказала “РГ” дырэктар гісторыка-краязнаўчага музея Любоў БЕЛУШ.

Настасся РОЎДА, "Рэгіянальная газета"

Фота wikimedia.org

Каментаваць


*